Семей тұрғыны өзінен он бір жас кіші келіншекті 8 ай бойы бопсалап келген

Семей полициясы 27 жастағы келіншекті ұзақ уақыт бойы бопсалаған ер адамды қолға түсіріп, қамады, деп хабарлайды Azattyq Rýhy.

Абай облысының полиция департаменті хабарлағандай, 38 жастағы ер адам 2025 жылдың маусымынан бері 27 жастағы әйелге күш көрсетіп, бопсалап келген. Оның талап еткен сомасы – 300 мың теңге.

«Полиция күдіктіні қолға түсірді. Ер адам кінәсін мойындаған. Ақшаның жартысы әлі ер адамның қолында болған, сондықтан, ол дәлел ретінде іске тіркелді», - деп хабарлайды полиция.

Қазір құқық қорғау органдары «бопсалау» бабы бойынша іс қозғап, күдікті изоляторға қамаған.