Шұғыл: Олимпиада чемпионы Серік Сәпиев Қарағандыда өзінің орынбасарымен төбелескен

Қарағанды облысы Дене шынықтыру және спорт басқармасының басшысы Серік Сәпиев пен оның орынбасары Дәурен Есімханов төбелесіп қалған. Осы факт бойынша полиция қылмыстық іс қозғады, деп жазады Azattyq Rýhy.

Редакциямызға облыстың полиция департаменті мәлім еткендей, Қарағанды қаласының 42 жастағы тұрғыны таяқ жегені туралы арыз жазған.

«Анықталғандай, 21 қаңтар күні Қарағандыдағы спорт кешендерінің бірінде екі ер адам төбелесіп қалған. Қаланың 42 жастағы тұрғыны соққыға жығылғаны туралы  арыз жазған. Қазір полиция оқиғаның мән-жайын анықтап жатыр», - деп хабарлайды полиция департаментінің баспасөз қызметі.

Айта кетейік, бокстан Олимпиада чемпионы Серік Сәпиев бұл лауазымға 2024 жылдың қарашасында келген болатын.