«Кісі өлтіру, бопсалау мен есірткі тасымалы»: ҰҚК былтыр 70 адамды не үшін ұстағаны белгілі болды

Қазақстанның Ұлттық қауіпсіздік комитеті былтыр 20 қылмыстық топ пен олардың 70-тен астам мүшесін ұстаған. Осы жетпіс адамның арасында Қазақстан азаматтарымен қатар, шетелдіктер де бар, деп жазады 

Ұлттық қауіпсіздік комитетінің ресми сайты хабарлағандай, бұл топтардың көбі ауыр қылмыс жасаған.

«Кісі өлтірді, бопсалады, есірткі мен қаруды заңсыз сақтады деген күдікпен 70-тен астам адам, соның ішінде қазақстандық және шетелдік құқық қорғау органдары іздеп жүрген азаматтар ұсталды», - деп хабарлайды ҰҚК.

Қылмыстық топтың мүшелерін тінту кезінде 30 қару мен 11 жарақат салатын қару, сондай-ақ ақша тәркіленген.