Астанада 1 млн теңгеге «грант сатқан» алаяқ ұсталды

Астанада 28 жастағы ер адам алаяқтық жасады деген күдікпен қолға түсті: ол оқуға түсе алмай қалған жастарды алдап, «грант алып беремін» деген сылтаумен 1 млн теңгені қалтасына басқан, деп жазады Azattyq Rýhy.

Полицияның мәліметіне сүйенсек, ол өзін жоғары оқу орындарының делдалы деп таныстырған. Оқуға түсе алмаған адамның сеніміне кірген ол 1 млн теңге берсе жоғары оқу орнынан грант «шығарып» беремін деген.

«Алайда, бұл мүмкін емес еді. Оған ақшасын берген адам бірнеше рет өтінішін орындауды сұраған. Соңында хабар болмаған соң, алданып қалғанын түсініп, полицияға арыздаған. Полиция күдіктіні анықтады», - деп хабарлайды қалалық полиция департаменті.