«Көктайғақтан автобустар тайғанап жатыр»: Қарағанды-Астана тасжолы жабылды (ВИДЕО)

Бүгін, 30 желтоқсан күні Қазақстанның солтүстігі мен орталығында жаңбыр жауып, көктайғақ орнады. Осыған байланысты Төтенше жағдайлар қызметі мен әр облыстың полициясы халыққа ескерту жасады, деп хабарлайды Azattyq Rýhy.

Мәселен, Қарағанды облысының полициясы тас жолда тайғанап, жол бетінде тұрған автобустардың видеосын жариялаған.

«Ауа райының күрт өзгеруі мен жауын-шашынның күшеюіне байланысты Қарағанды – Астана бағытындағы республикалық маңызы бар автожол уақытша жабылды», - деп хабарлайды Қарағанды облысы полиция департаменті.

Аталған жағдайға орай, облыстық полиция департаментінің патрульдік полиция батальоны қауіпсіздікті сақтау мақсатында күшейтілген қызмет режиміне көшті.