Абай облысында ауыл әкімі 500 мың теңгені қалтаға басамын деп 3,5 жылға сотталды

Үржар ауданының прокуратурасы қоғамдық жұмысқа бөлінген 500 мың теңгені қалтасына басқан бұрынғы ауыл әкімін соттатты, деп хабарлайды Azattyq Rýhy.

«Прокуратурамен сотқа дейінгі тергеп-тексеру тіркеліп, материалдар процестік шешім қабылдау үшін Сыбайлас жемқорлыққа қарсы іс-қимыл агенттігінің Департаментіне жолданды», - деп хабарлайды прокуратура.

Сот бұрынғы әкімді «Алаяқтық» бабымен 3,5 жылға соттап, мемлекеттік қызметте лауазым атқару құқығынан өмір бойына айырды.

«Үкім заңды күшіне енді. Мемлекетке келтірілген залал толық өтелді», - деп хабарлайды прокуратура.