Жұлдыз Сүлейменова Үкіметте ант берді

Бүгін ҚР Үкіметінің отырысында оқу-ағарту министрі болып тағайындалған Жұлдыз Сүлейменова салтанатты түрде ант берді, деп хабарлайды Azattyq Rýhy.

Мемлекет басшысының Жарлығымен Үкімет құрамына енген жаңа министр ел алдында адал қызмет етуге, Конституция мен заңдарды қатаң сақтауға, азаматтық және ұлтаралық татулық қағидаттарын ұстануға ант етті.

«Қазақстан Республикасының халқы мен Президенті алдында өз Отанымның экономикалық және рухани дамуына барлық күш-жігерім мен білімімді жұмсауға ант етемін», — деді Жұлдыз Сүлейменова.

Осылайша ол ресми түрде өз қызметіне кірісті.