Бағдат Мусин «Қазақтелеком» басшысы қызметіне тағайындалды – БАҚ

Azattyq Rýhy

Ол 2024 жылдың сәуірінде Цифрлық даму, инновациялар және аэроғарыш өнеркәсібі министрі қызметінен босатылған 

Бағдат Мусин «Қазақтелеком» басшысы қызметіне тағайындалды – БАҚ
Фото: instagram.com/bagdatmussin

Бұрынғы Цифрлық даму, инновациялар және аэроғарыш өнеркәсібі министрі Бағдат Мусин «Қазақтелеком» АҚ Басқарма төрағасы болып тағайындалды, деп хабарлайды Azattyq Rýhy.

Еске салайық, бұған дейін «Қазақтелеком» АҚ 2010 жылдың наурызынан бастап бүгінгі күнге дейін Қуанышбек Есекеев басқарды. Ол Мемлекет басшысы қаулысымен Президент кеңесшісі лауазымына тағайындалды.

Бағдат Мусин Цифрлық даму, инновациялар және аэроғарыш өнеркәсібі министрлігін 2020 жылдың қыркүйегінен бастап басқарды. 2024 жылы 30 сәуірде президент Қасым-Жомарт Тоқаев оны қызметінен босатты.

×
Бұл желілік ресурстың ақпараттық өнімдері 18 жастан асқан адамдарға арналған.