«Бақытқа орай, аурудың жеңіл түрі»: Камалжан Надыров хал-жағдайы қалай екенін айтып берді
Кеше Вице-министр астанадан Алматыға ауысқан еді
Күні кеше Денсаулық сақтау министрі орынбасары қызметінен босатылған Камалжан Надыровтың бүгін коронавирус жұқтырып алғаны хабарланды. Шенеунік қазір хал-жағдайы қалай екенімен Facebook парақшасында бөлісті.
«Қазіргі уақытта мен елордалық ауруханалардың бірінде емделіп жатырмын. Бұл жаңалық осындай резонанс тудырады деп ойлаған да емес едім. Мен көптеген хабарламаларды қолдау сөздерімен оқыдым! Бұл, әрине, маған күш береді, үлкен рахмет! Бақытқа орай, ауру салыстырмалы түрде жеңіл. Біздің дәрігерлер аянбай, кәсіби түрде жұмыс істейді, осы айларда біліктері жетілдірілгені анық. Әрине, оларға тағзым етемін, олар нағыз батырлар! »,- деген жазбада.
Надыров кезекшілікте аймақтарға барып, әріптестермен кездескенін, ауруханаларға барғанын жазды. Ол үнемі COVID-19-ға тест тапсырып отырған. Өткен түнге дейін, барлық тест нәтижелері теріс болыпты.
«Бүгін мен Алматы қаласындағы қоғамдық денсаулық сақтау департаментінің бастығы болып жұмысқа кірісуім керек еді. Сауығып шыққаннан кейін мен кезекшілікке оралып, маған сеніп тапсырылған жерде қызмет етуге дайынмын, бірақ қазір қашықтан жұмыс істеймін», - деп жазады ол.
Сөз соңында ол қазақстандықтарға үндеу жасады.
«Вирус біз ойлағаннан гөрі зиянды, оның асимптоматикалық ағымы диагнозды қиындатады. Сондықтан барлық сақтық шараларын сақтау, өзін-өзі оқшаулау маңызды. Абай болыңыз!!!», - деді ол
