Тоқаев Петропавлда 50 жыл бұрын салынған су торабына барды

Солтүстік Қазақстан облысына жасаған жұмыс сапары кезінде президент Қасым-Жомарт Тоқаев Петропавл су торабына барды, деп хабарлайды Azattyq Ruhy.

Ақорда хабарлағандай, іргетасы 1973 жылы қаланған нысан Сергеевка және Петропавл су қоймаларының белгіленген режимде толтырылып, іске қосылуын қамтамасыз ету арқылы Есіл өзенінің ағысын реттейді.

Солтүстік Қазақстан облысының әкімі Ғауез Нұрмұхамбетов облыстағы су тасқынының себебі  Есіл өзеніндегі мұз бен Ақмола облысынан келген ағын су дейді. Биыл сең жүрген кезде су деңгейі күрт көтеріліп кеткен. Бұл инфрақұрылымның істен шығуына және Есіл өзенін жағалай орналасқан елді мекендерді су басуына әкеп соқтырған.