ШұғылҚазақстанда тағы 1962 адамнан COVID-19 вирусы анықталды

Нұр-Сұлтан мен Алматыда кәсіпорындар мен ұйымдардың жұмысы уақытша тоқтатылады

Бұл шектеу 30 наурыз бен 5 сәуір аралығын қамтиды

Фото: primeminister.kz

Премьер-министр Асқар Маминнің төрағалығымен ҚР Президенті жанындағы Төтенше жағдай режимін қамтамасыз ету жөніндегі мемлекеттік комиссияның селекторлық отырысы өтті. Бұл туралы primeminister.kz сайты хабарлады.

Сайттың хабарлауынша, еліміздегі санитарлық-эпидемиологиялық жағдай туралы Денсаулық сақтау министрі Е. Біртанов, Нұр-Сұлтан және Алматы қалаларындағы ахуал туралы әкімдер А. Көлгінов пен Б. Сағынтаев баяндаған.

«Мемлекеттік комиссия коронавирустық инфекцияның таралуын шектеу мақсатында Нұр-Сұлтан және Алматы қалаларында биылғы 30 наурыз бен 5 сәуір аралығында орталық мемлекеттік органдар, әкімдіктер, құқық қорғау органдары, денсаулық сақтау ұйымдары, БАҚ, азық-түлік дүкендері, дәріханалар мен тіршілікті қамтамасыз ету ұйымдарын қоспағанда, меншік түріне қарамастан барлық кәсіпорындар мен ұйымдардың жұмысын уақытша тоқтату туралы шешімді бекітті. Толық тізім қалалардың әкімдіктерімен келісе отырып анықталады», - делінген хабарламада.

Естеріңізге сала кетейік, кеше Төтенше жағдай режимін қамтамасыз ету жөніндегі мемлекеттік комиссия 28 наурыздан бастап Нұр-Сұлтан, Алматы және Шымкент қалаларында шектеу шаралары күшейтілетінін хабарлады.

Сұхбат
Себебі су тасымалдайтын ирригациялық жүйенің әбден тозығы жеткен 
Юрий Ким адамдарды жаппай егу нәтижесінде індет 2023 жылы тоқтауы мүмкін дегенді айтты
Бүгінге дейін облыста COVID-19  вирусын жұқтырған 613 адам тіркелді
Бүгін сайлауалды үгіт-насихат жұмыстары тоқтады