Тұрғымбаев алты өңірдің департамент басшыларын ауыстырды

Ішкі істер министрі бірқатар кадрлық ауыс-түйіс жасады

фото: polisia.kz

ҚР Президенті әкімшілігінің келісімі мен Ішкі істер министрі Ерлан Тұрғымбаевтың бұйрығымен бірнеше өңірде қылмыстық-атқару жүйесі департамент басшылары тағайындалды. Министрліктің баспасөз қызметінің хабарлауынша, жаңадан тағайындалған басшылар бұрын облыстардағы ҚАЖД басшысы лауазымдарын атқарған, пенитенциарлық жүйеде көпжылдық тәжірибесі бар мамандар.

Ақтөбе облысы бойынша - әділет полковнигі Шамишев Алмас Әбжанұлы;

Алматы облысы бойынша - әділет полковнигі Әбдікәрімов Серік Жақсылықұлы;

Алматы қаласы бойынша - әділет полковнигі Қанатбеков Дархан Тұрсынұлы;

Батыс Қазақстан облысы бойынша - әділет полковнигі Ізтілеуов Азамат Әбдіғалиұлы;

Қарағанды облысы бойынша - әділет полковнигі Тәкешев Ғазиз Әбікенұлы;

Солтүстік Қазақстан облысы бойынша - әділет полковнигі Ахметжанов Рустан Серікұлы.