Мемлекет басшысы 2019 жылдың 28 желтоқсанын жалпыұлттық аза тұту күні деп жариялады
Денсаулық сақтау министрі Елжан Біртанов Алматы маңында болған ұшақтың апаты салдарынан зардап шеккен азаматтардың жағдайын жеке бақылауында болатынын айтты.
«Алматы түбіндегі әуе апатынан қаза болғандардың отбасылары мен туған-туыстарына көңіл айтамын. Қайғыларыңызға ортақпын. Ауруханадағы азаматтардың жағдайы жеке бақылауымда. Зардап шеккендерді қажетті медициналық көмекпен және дәрі-дәрмекпен толық қамтамасыз етеміз», - деп жазды министр Twitter парақшасында.
Бұған дейін Ішкі істер министрлігі Алматыдағы медициналық мекемелерге ұшақ апатынан зардап шеккен 49 адам жеткізілгенін, 18 адамның жағдайы ауыр екенін хабарлады.