Қазір екі ел арасында беруге жататын азаматтар жоқ
Мемлекет басшысы «Қазақстан Республикасы мен Солтүстік Македония арасындағы адамдарды ұстап беру туралы шартты ратификациялау туралы» ҚР заңына қол қойды.
Бұдан былай қылмыстық жауапкершілікке тартылған қазақстандықтар Солтүстік Македонияда жасырына алмайды. Ратификация аясында екі ел іздеуде жүрген адамдарды бір-біріне ұстап беру және сотталған адамдармен алмасу қарастырылған.
Қазір екі ел арасында беруге жататын азаматтар жоқ. Қазақстан бүгінге дейін 30-ға жуық мемлекетпен осындай шарт жасасты. Бүгінде шет елдерде жазасын өтеп жатқан 922 қазақстандық бар.
