ШұғылҚазақстанда өткен тәулікте 1800-ден астам адамнан коронавирус анықталды

Індеттің таралу көрсеткіші төмендеп келеді - Цой

Министр ахуалдың айтарлықтай тұрақтануы байқалатынын айтты

Коллаж

Қазақстанда коронавирустың таралу қарқыны төмендеп келеді. Бұл туралы Үкімет отырысында Денсаулық сақтау министрі Алексей Цой мәлімдеді.

Министрдің дерегінше, Қазақстан науқастану көрсеткіші бойынша әлемдік рейтингтегі 221 елдің ішінде 108-орында, ал коронавирустан болатын өлім-жітім көрсеткіші бойынша 107-орында тұр.

«Науқастанудың күнделікті динамикасы наурыз айының соңындағы 46 пайыздық өсім қарқыны өткен апта ішінде 8 пайызға дейін төмендеді. Соңғы аптада алдыңғы аптамен салыстырғанда өлім-жітім өсімі 30-дан 8 пайызға дейін төмендеді. Ахуалдың айтарлықтай тұрақтануы байқалады», - деді Алексей Цой.

Қазір Қазақстанның 10 өңірі жоғары эпидемиологиялық тәуекел аумағында тұр, атап айтқанда: Нұр-Сұлтан, Алматы қалалары, Ақмола, Ақтөбе, Атырау, Батыс Қазақстан, Қарағанды, Қызылорда, Маңғыстау және Павлодар облыстары тұр.

Орташа эпидемиологиялық (сары) тәуекел аймаққа бүгінде Жамбыл, Шығыс Қазақстан, Алматы және Қостанай облыстары кіреді.

«Жасыл» аймақта - Түркістан мен Солтүстік Қазақстан облыстары.