ШұғылЕлімізде өткен тәулікте 855 адамнан коронавирус анықталды

Үкімет басшысы вакцинация бойынша 4 министрге тапсырма берді

Қазақстандықтарға 1 ақпаннан бастап коронавирусқа қарсы вакцина салуды бастайды

Фото: primeminister.kz

Үкімет басшысы Асқар Мамин Қазақстан аумағында коронавирус инфекциясының таралуына жол бермеу жөніндегі ведомствоаралық комиссияның (ВАК) селекторлық отырысын өткізді.

Санитарлық-эпидемиологиялық ахуал жайында Денсаулық сақтау министрі Алексей Цой, вакцина өндіру жөніндегі жұмыс туралы Білім және ғылым министрі Асхат Аймағамбетов, карантиндік шаралардың сақталуын бақылау туралы Ішкі істер министрі Ерлан Тұрғымбаев, өңірлердегі ахуал туралы Ақмола облысының әкімі Ермек Маржықпаев, Қостанай облысының әкімі Архимед Мұхамбетов, Солтүстік Қазақстан облысының әкімі Құмар Ақсақалов баяндады.

Қазір коронавирустың таралу қаупі бойынша республикада 8 өңір «қызыл» аймаққа енген: Нұр-Сұлтан және Алматы қалалары, Ақмола, Атырау, Батыс Қазақстан, Қостанай, Павлодар және Солтүстік Қазақстан облыстары. Күн сайын 1,5 мыңға жуық жаңа сырқаттану жағдайы тіркеледі, репродуктивтік көрсеткіші – 1,14. Инфекциялық төсек орындарының жүктемесі – 31%, реанимациялық – 20%.

Отандық QazCovid-in вакцинасы клиникалық сынақтың III кезеңінен өтуде (алдын ала тиімділігі – 96%). «Спутник V» вакцинасының сапасын аттестаттау жұмыстары жүріп жатыр. 1 ақпаннан бастап ерікті түрде халыққа «Спутник V» вакцинасын сала бастайды.

Үкімет басшысы Білім және ғылым министрлігіне Биологиялық қауіпсіздік проблемалары институты базасында QazCovid-in вакцинасының тәжірибелік партиясын және «Антиген» ҒӨК» ЖШС өндірістік алаңында тәжірибелік-өнеркәсіптік партияны шығаруды қамтамасыз етуді тапсырды.

Премьер-министр әкімдіктерге вакцинаны сақтау үшін қажетті жабдықтарды сатып алуды аяқтап, егу пункттерінің толық дайындығын биылғы 1 ақпанға дейін қамтамасыз етуді тапсырды.

Ақпарат министрлігіне Денсаулық сақтау министрлігімен бірлесіп, коронавирус инфекциясына қарсы вакциналау туралы ақпараттық-түсіндіру жұмысын қамтамасыз ету, Ішкі істер министрлігімен бірлесіп, вакциналау мәселелеріне қатысты арандату және жалған ақпарат тарату фактілерін уақытылы тоқтату тапсырылды.

«Вакцина өндірісін қамтамасыз ету және халықты жаппай вакциналауды өткізу денсаулық сақтау саласындағы Үкіметтің бүгінгі күнгі негізгі міндеті», — деді А. Мамин.