Елімізде 8 министрліктің жауапты хатшысы қызметінен босатылды

Олардың қызметін қысқарту туралы бастаманы Президент көтерген болатын

Жауапты хатшылар институтының таратылуына байланысты Мемлекет басшысының өкімімен еліміздегі сегіз министрліктің жауапты хатшыcы қызметінен босады. Бұл туралы Ақорданың ресми сайтында хабарланды.

Атап айтқанда:

Жанат Мұратұлы Қожахметов – Ақпарат және қоғамдық даму министрлігінің жауапты хатшысы;
Марат Әбілахатұлы Оразаев – Ауыл шаруашылығы министрлігінің жауапты хатшысы;
Қанат Маратұлы Сәрсембаев – Білім және ғылым министрлігінің жауапты хатшысы;
Аида Дәденқызы Құрманғалиева – Еңбек және халықты әлеуметтік қорғау министрлігінің жауапты хатшысы;
Айдын Жұмабекұлы Ашуев – Қаржы министрлігінің жауапты хатшысы;
Жәнібек Мақсұтұлы Нөпіров – Сауда және интеграция министрлігінің жауапты хатшысы;
Арман Дайырұлы Жұмабеков – Ұлттық экономика министрлігінің жауапты хатшысы;
Талғат Амангелдіұлы Момышев – Энергетика министрлігінің жауапты хатшысы қызметтерінен босатылды.