«Азаматтарға арналған үкіметке» жаңа басшы тағайындалды
Корпорацияның бұрынғы басшысы Әсемгүл Балташева өз еркімен қызметінен кетті
![«Азаматтарға арналған үкіметке» жаңа басшы тағайындалды](https://azattyq-ruhy.kz/cache/imagine/main_page_full/uploads/news/2021/01/08/5ff84cefbf650160850025.jpg)
Әділ Қожықов «Азаматтарға арналған үкімет» мемлекеттік корпорациясы КЕАҚ басқарма төрағасы болып тағайындалды. Мемлекеттік корпорацияның ұжымына жаңа басшыны Цифрлық даму, инновациялар және аэроғарыш өнеркәсібі министрі Бағдат Мусин таныстырды.
Ол Әл-Фараби атындағы Қазақ ұлттық университетін (Саясаттану) тәмамдаған. Еңбек жолын 2000 жылы Орталық Азия саяси зерттеулер агенттігінің ғылыми қызметкері болып бастаған.
2001-2003 жж. – Сыртқы істер министрлігі жанындағы сыртқы саясат және талдау орталығының сарапшысы.
2003-2005 жж. – ҚР Президенті жанындағы Қазақстанның стратегиялық зерттеулер институтының жетекші ғылыми қызметкері.
2005-2011 жж. – Қауіпсіздік кеңесі хатшылығының аға сарапшысы, ақпараттық-талдау орталығының сектор меңгерушісі, ҚР Президенті баспасөз хатшысының орынбасары, ҚР Президенті әкімшілігінің стратегиялық әзірлемелер және талдау орталығы меңгерушісінің орынбасары.
2011-2012 жж. – «Телекоммуникация саласындағы техникалық сүйемелдеу және талдау орталығы» РМК директорының орынбасары.
2013-2014 жж. – Премьер-министр кеңсесінің ақпараттық-талдау орталығының меңгерушісі.
2014-2016 жж. – «Талдау және ақпарат орталығы» РМК директоры, Ақпарат және коммуникациялар министрінің кеңесшісі.
2016-2018 жж. – Ақпарат және коммуникациялар министрлігі телекоммуникациялар комитетінің төрағасы.
2018-2019 жж. – «Nur Otan» партиясы Төрағасы бірінші орынбасарының кеңесшісі – талдау, болжау және стратегиялық бастамалар институтының директоры.
2019 жылдан бастап ҚР Президенті әкімшілігінің мемлекеттік инспекторы қызметін атқарды.