Джо Байден салдырған Pfizer вакцинасын Қазақстанға алдыруға не кедергі?

Қазақстан америкалық Pfizer фармацевтикалық компаниясымен жария құқығынсыз келісімге қол қойды, деп хабарлайды Azattyq Rýhy тілшісі.

«Біз бүгін Pfizer компаниясымен жарияламау туралы келісімге қол қойдық және арнайы рұқсат құжаттарын беру арқылы Қазақстан аумағына осы вакциналарды жеткізумен айналысуға дайынбыз. Барлығы осы компанияның өндірістік қуаты мен осы препаратты республика аумағына жеткізу қабілетіне байланысты болады», - деді Денсаулық сақтау министрінің бірінші орынбасары Марат Шоранов.

«Вакцинаны сатып алуға кедергі келтіретін нюанстар бар ма?» деген сұраққа вице-министр былай деп жауап берді:

- 70 градус – Қазақстанның барлық аумағында кең ауқымда қолдануға айтарлықтай кедергі. Бүгінде біз барлық логистикалық тізбекті пысықтап жатырмыз, іс жүзінде әрбір өңірде қазірдің өзінде арнайы хаб бар. Яғни, бұл бірыңғай дистрибьютор, оның Алматы, Нұр-Сұлтан, Ақтөбе және Шымкент қалаларында 4 негізгі хабы бар, олар тиісті тоңазытқыш жабдығымен жабдықталған және вакциналарды сақтауға және -20 градусқа дейін температуралық режимді сақтауға мүмкіндік береді.

Медициналық және фармацевтикалық бақылау комитеті төрағасының орынбасары міндетін атқарушы Нұрлыбек Асылбеков Рfizer компаниясымен келесі келіссөз 30 желтоқсанда өтетінін айтты. Келіссөздер вакцинаны жеткізуді жеделдетуге қатысты болмақ.

Сымбат Ғалымжанқызы, Нұр-Сұлтан