Астана, Алматы, Шу және Арыс қалаларында вагондарды жөндейтін 4 сервистік орталық салынады

Өнеркәсіп және құрылыс министрі Ерсайын Нағаспаев бүгін үкімет отырысында Астана, Алматы, Шу және Арыс қалаларында вагондарды жөндейтін 4 сервистік орталық салынатынын мәлім етті, деп хабарлайды Azattyq Rýhy.

Оның айтуынша, осы жоба арқылы 700 жаңа жұмыс орны құрылып, локомотивтерге толық циклді техникалық қызмет көрсететін мүмкіндік туады.

Бірақ, министрдің айтуынша, осы шараларға қарамастан, бүгінде жүк вагондары паркінің тозуы – 54 пайыз, локомотивтер – 52 пайыз, жолаушылар вагон – 42 пайызға тозған.