Қазақстандағы банктердің капитализациясы бойынша рейтингі жасалды

Ranking басылымы қаржы нарығындағы компаниялардың, яғни, компанияның нарықтағы құнына қатысты оларды капитализация бойынша рейтингін жасап шығарды, деп жазады Azattyq Rýhy.

KASE деректеріне сәйкес, капитализация бойынша көшбасшы — Kaspi.kz (7,3 трлн тг). Екінші орында — Halyk Bank (3,5 трлн тг), үшінші орында — Freedom Holding Corp. (1,7 трлн тг). Топ-5 қатарына сондай-ақ ForteBank (1,1 трлн тг) және Банк ЦентрКредит (839,8 млрд тг) кіреді.

«Капитализацияның өсуі инвестор сенімінің артуын көрсетеді. Көшбасшылар саланың ашықтығын, технологиялық дамуын және клиентке бағытталуын нығайтып отыр. Капитализация — компанияның биржадағы нарықтық құны (акция бағасы × акциялар саны). Бұл компанияның ауқымын және инвесторлар сенімін көрсетеді», - деп жазады сайт.

Дереккөзге сүйенсек, Kaspi.kz және Freedom Holding Corp. NASDAQ-та саудаланатындықтан, олардың институционалдық инвесторлар тарапынан қызығушылығы талданды. Екі компания да ірі болғанымен, институционалдық қатысу деңгейі қатты өзгеше:

• Kaspi.kz: институционалдық инвесторлар үлесі — 38,98%
• Freedom Holding Corp.: бар болғаны 4,09%

Инвесторлар саны:

• Kaspi.kz — 207
• Freedom Holding Corp. — 152

Инвесторлар қолындағы акциялар саны:

• Kaspi.kz — 74,1 млн акция
• Freedom Holding Corp. — 2,5 млн акция

Инвесторлардың акциялар портфелі құны:

• Kaspi.kz — 5,4 млрд доллар
• Freedom Holding Corp. — 345 млн доллар

Kaspi.kz-тің топ-10 инвесторлары: Baring Fintech Manager Holding Ltd, Baillie Gifford & Co, FIL Ltd, Pzena Investment Management, FMR LLC, Schroder Investment Management, Southpoint Capital Advisors және басқалары.
Ірі өзге инвесторлар: BlackRock, HSBC, JPMorgan, Goldman Sachs, Bank of America, Morgan Stanley және т.б.

Freedom Holding Corp.-тың топ-10 инвесторлары: BlackRock, State Street, Morgan Stanley, First Trust, Geode Capital, Millennium, JPMorgan, Citadel, Vanguard, Bank of America.
Басқа танымал қатысушылар: Swiss National Bank, HSBC, Invesco, Goldman Sachs, UBS.

Kaspi.kz институционалдық капитал көлемі жағынан Freedom Holding-ке қарағанда әлдеқайда көш басында:

• Freedom-та 10 млн доллардан жоғары портфелі бар инвесторлар — тек 7
• Kaspi.kz-де — 59

Қорытынды: екі компания да халықаралық инвесторлардың назарында, алайда Kaspi.kz-ке қызығушылық та, капитал көлемі де айтарлықтай жоғары. Бұл оның нарықтағы орнының мықтылығын және кәсіби инвесторлардың сенімін көрсетеді.