Қазақстандықтар Түркиядан жылжымайтын мүлікті жаппай сатып ала бастады

Биыл қаңтар-наурыз айлары аралығында Қазақстан азаматтары Түркиядан 211 жылжымайтын мүлік сатып алды, бұл 2019 жылдың сәйкес кезеңімен салыстырғанда 99 бірлікке көп. Бұл туралы Түркияның мемлекеттік жер кадастры және жылжымайтын мүлікті сатып алу-сату агенттігі хабарлады.

«2020 жылдың наурыз айында қазақстандықтар Түркиядан 72 жылжымайтын мүлік сатып алды, бұл 2019 жылдың наурызымен салыстырғанда 35 бірлікке көп»,- делінген хабарламада.

Түркияда 2020 жылдың наурыз айында 108,670 мың жылжымайтын мүлік сатылды, бұл өткен жылдың сәйкес кезеңімен салыстырғанда 3,4% -ға көп, деп хабарлайды Trend.