Мамырда жылдық инфляция 11 проценттен асты

Ұлттық статистика бюросы мамырда жылдық мәнде инфляция деңгейі 11,3% болғанын мәлімдеді, деп хабарлайды Azattyq Rýhy.

Айта кетері, инфляция сәуірде 10,7%, наурызда 10% болған еді.

2025 жылғы мамырда тұтыну бағаларының айлық индексі баяулай түсіп, 0,9% құрады (2025 жылғы сәуірде – 1,2%).

Бір айлық мәндегі бағаның өсуі:

• ақылы қызметтер – 1,3%,
• азық-түлік тауарлары – 0,9%,
• азық-түлік емес тауарлар – 0,6%.

Тұтыну бағалары индексінің құрылымындағы өсім:

• ақылы қызметтер – 16%,
• азық-түлік тауарлары – 9,6%,
• азық-түлік емес тауарлар – 9%.

Еске сала кетейік, бұған дейін ұлттық экономика вице-министрі Арман Қасенов жыл соңына дейін инфляция 10 пайыз деңгейінде болжанып отырғанын хабарлаған болатын.

«Осы жылдың қорытындысы бойынша инфляция 10 пайыз шамасында болады деп күтіп отырмыз», - деді Қасенов Үкіметте өткен брифингте.