Австрия, Лихтенштейн, БАӘ, Түркия: Қазақстан заңсыз активтерді қайдан қайтарып жатыр

2022 жылдан бері мемлекетке және квазимемлекеттік сектор субъектілеріне 1,13 трлн теңгеден астам актив қайтарылды. Бұл туралы бүгін Сыбайлас жемқорлыққа қарсы күрес агенттігінің дәстүрлі брифингісінде агенттіктің ресми өкілі Данияр Бегайдаров мәлім етті, деп хабарлайды Azattyq Rýhy.

Антикор бұл жолы заңсыз шығарылған активтердің сомасын ғана емес, қаражат қай елдерден қайтарылып жатқанын жария етті.

«Активтердің едәуір бөлігі шетелден қайтарылды. Мұндай активтердің сомасы 670,5 млн АҚШ долларын құрады (бұл шамамен 297,5 млрд теңге), оның ішінде бұл Австрия, Лихтенштейн, БАӘ, Түркиядан қайтарылған ақша», - деп хабарлады ол.