Қазақстанда өндірілген ет ішкі сұранысты өтей алмай отыр

Қазақстанда өндірілген ет ішкі сұраныстың тек 87%-ын ғана қамтамасыз етіп отыр деп жазады Energyprom.kz.

Ағымдағы жылдың 9 айының қорытындысы бойынша, Қазақстан халқы 879,5 тонна ет тұтынған. Ал, оның 754 тоннасы отандық өнім. Қалғаны шетелден тасымалданған. Өндірілген еттің 2 пайызы экспортталыпты.

Ет индустриясында Қазақстанның әлеуеті әлі де болса әлсіз. Мәселен, шұжықтың 38%-ын біз шетелден сатып аламыз. Ал, экспорт небәрі 1 пайызды ғана құрайды.

Етті өндеу және сақтау жағынан да көрсеткіштер көңіл көншітпейді. Мәселен, ет сақтайтын қоймалардың тек 38,7 пайызы ғана қолданыста, қалғаны бос тұр.