Пандемия Қазақстан мен Италия арасындағы сауда айналымына қаншалықты әсер етті?

Италия - Қазақстан үшін экспорт жасауда алғашқы орында тұрған серіктес. Еуропаның оңтүстігінде орналасқан мемлекет Қазақстанның қандай тауарларын алады? Azattyq Rýhy тілшісі екі ел арасындағы сауда-саттық қатынасы туралы хабарлайды. 

QazTrade сауда саясатын дамыту орталығы берген мәлімет бойынша, 2020 жылдың қаңтар-қазан айларында Италияға жөнелтілген қазақстандық экспорттың көлемі 5 479,1 млн долларды құрады.

Пандемия салдарынан аталған уақыт аралығында Италияға қазақстандық экспорт 20,4%-ға төмендеді.

Алайда, мына тауар түрлері бойынша өсім байқалады:

• қымбат металдардың қалдықтары мен сынықтары - 57,4% ($3,5 млн-ға);
• ауа немесе вакуумдық сорғылар, компрессорлар мен желдеткіштер - 10,8 есе ($2,9 млн-ға);
• бидай - 7,2% ($1,8 млн-ға);
• өсімдік майларын алу кезінде алынған қалдықтар - 71,7% ($1,7 млн-ға);
• зығыр тұқымы – 20,5 есе немесе ($1,5 млн-ға).

Ал импортқа келер болсақ, Қазақстанның Италиядан тауар тасымалы қаңтар-қазан айларында 751,5 млн долларды құрады. Бұл өткен жылмен салыстырғанда 47,1% пайызға төмен.

Кей тауар түрлеріне қатысты импорт көлемінде өсім байқалады:

• центрифугалар, сұйықтықтар мен газдарды сүзуге арналған жабдықтар - 2,9 есе ($13,2 млн-ға);
• бөлшек сауда үшін өлшеніп салынған дәрілік заттар - 30% ($12 млн-ға);
• қозғалтқыштар мен күш қондырғылары – 5,2 есе ($8,2 млн-ға);
• бұрандалар, қара металдардан жасалған бұйымдар - 91,3% ($5,2 млн-ға);
• өсімдіктер, саңырауқұлақ мицелийі - 82,5% (4,2 млн).

Сымбат Ғалымжан, Нұр-Сұлтан