Елімізде доллар екінші күн қатарынан қымбаттады

Теңгенің долларға шаққандағы бағамы екінші күн қатарынан қымбаттады, деп хабарлайды Azattyq Ruhy тілшісі KASE мәліметтеріне сілтеме жасап.

29 қыркүйек таңертеңгі жағдай бойынша доллардың орташа құны 429,40 теңгені құраған. 28 қыркүйекте ол 428,02 теңге болатын.

Ал, Kurs.kz сайтының мәліметі бойынша, Алматыдағы валюта айырбастау орындарында 1 доллар 430,71 теңгеге тең. Шетел валютасын сатып алу – 429,05 теңге.

Айта кету керек, күні кеше Ресей рублінің долларға шаққандағы құны құлдырап, 1 доллар 79 рубльге теңескен болатын. Сарапшылар мұны Батыстың санкцияларымен байланыстыруда.