Шетелде жүрген қазақстандықтар 6 айда елімізге 153 млрд теңгеден астам қаржы аударған

Халықаралық ақша аудару жүйесі арқылы биыл 6 айда елімізге 153,3 млрд теңге кіріс кірген, деп жазады Ranking.kz.

Айта кету керек, соңғы 4 жыл бойы шетелден аударылған ақша көлемі үздіксіз өсіп отырған болатын. Алайда, биыл бұл көрсеткіш бірден 24,5 пайызға азайды.

Қаражаттың ең көбі Ресей Федерациясынан жіберіліпті – 43,6 млрд теңге. Десе де, былтырғымен салыстырғанда биыл аударылған ақша көлемі екі есеге азайған (86,6 млрд теңге).

Екінші орында Оңтүстік Корея тұр – 30,3 млрд теңге. Бұл елден келетін қаржы көлемі де былтырғымен салыстырғанда 19,7%-ға төмен. Ал Қырғызстаннан аударылған ақша көлемі биыл айтарлықтай өсіп (13,9%), 18 млрд теңгені құрады.