Қазақстан теміржол өнімдерін Пәкістан нарығына экспорттамақ

Қазақстанда теміржол инфрақұрылымына арналған дайын өнім экспорты өсіп жатыр. Отандық кәсіпорындар рельстік бекіткіштер мен темірбетон шпалдарын Орталық Азия елдеріне және Ресейге сатып, қазір жаңа нарықтарға шығу бойынша келіссөздер жүргізіп жатыр, деп хабарлайды Azattyq Rýhy.

Сауда және интеграция министрлігінің баспасөз қызметі хабарлағандай, сондай нарықтардың бірі – Пәкістан.

Дереккөзге сүйенсек,  қазір Қырғызстан мен Өзбекстанға тұрақты экспорт жөнелтіледі.  Ресейге де экспорт басталған. Өткен жылы Иран мен Түрікменстанға сауда-экономикалық миссиямен бардық. Қазір белсенді келіссөздер жүріп жатыр 2025 жылы экспорт көлемі шамамен 5 млн доллар болған.