«Атақтарың дардай, ұят емес пе!?»: Мақпал Жүнісова «МузАрт» тобының студиясына барып, құлап қала жаздаған
Атақты топтың ән жазатын студиясы өте ескі болып шыққан
Мақпал Жүнісова «МузАрт» тобының ән жазатын студиясындағы сатыдан құлап қала жаздаған. Осыған қынжылған ол өнердегі бауырларына ақыл айтты, деп жазады Azattyq Rýhy.
«Құрметті Мейрамбек Бесбаев, Сәкен Майғазиев және Кенжебек Жанәбілов мырзалар, студияларыңыз өте тозған. Баспалдақтан құлап қала жаздадым. Қабырғаның бәрі тесік-тесік, ауа жоқ, өте нашар студия болып кеткен. Сіздер өз үйлеріңізді ғана емес, дауыс жазатын әншілерді де құрметтеп, студияларыңызды тезірек жөндеңіздер, ұят емес пе? Атақтарың дардай, үйлерің осындай болса, тұрмас едіңдер. Біз келіп жаңа ән жазып кеттік. Бірақ сіздер үшін ұялып тұрмын. Бір апта не бір айдан соң тағы бір ән жазу керек. Соған дейін жөндеңіздер», - дейді Мақпал Жүнісова.
