«Қазақфильм» халықаралық фестивальдің арнайы сыйлығына ие болды

Түркияның Стамбул қаласында өткен Korkut Ata Turkic World Film Festival фестивалінің жабылу салтанатында «Қазафильм» киностудиясына «Түркі әлемі кинематографиясына қосқан үлесі үшін» арнайы сыйлығы табысталды. Бұл туралы ҚР Мәдениет және спорт министрлігі хабарлады.

Марапатты «Қазақфильм» киностудиясының президенті Ақан Сатаев алды. Ол фестиваль ұйымдастырушыларына құрмет сыйлығы үшін алғыс айтты.

Айта кетейік, биыл алғаш рет ұйымдастырылған Korkut Ata Turkic World Film Festival кинофестиваліне 13 елден 42 кинокартина қатысты. Фестиваль режиссер Ақан Сатаевтың «Томирис» тарихи картинасымен ашылды.