Шымкенттегі мектептердің біріне Сағадат Нұрмағамбетовтің есімі берілді

Қаладағы бірқатар мекеменің атауы өзгерді

Шымкенттегі мектептердің біріне Сағадат Нұрмағамбетовтің есімі берілді
Сағадат Нұрмағамбетов, ҚР тұңғыш қораныс министрі

Шымкент қаласының білім беру және мәдениет ұйымдарына атау беру және атауын өзгерту туралы Үкімет қаулысы шықты.

Қаулыға сәйкес, Шымкент қаласы білім басқармасына қарасты № 72 жалпы орта білім беретін мектебіне Сағадат Нұрмағамбетовтің есімі берілді.

«Отырар» қалалық ғылыми-әмбебап кітапханасы коммуналдық мемлекеттік мекемесінің атауы әл-Фараби атындағы қалалық ғылыми-әмбебап кітапхана КММ болып, Хамза атындағы №53 жалпы орта білім беретін мектептің атауы Сабыр Рақымов атындағы №53 жалпы орта білім беретін мектеп коммуналдық мемлекеттік мекемесі болып өзгертілді.

Үкімет қаулысы алғашқы ресми жарияланған күннен бастап қолданысқа енгізіледі.

Сағадат Нұрмағамбетов (1924-2013 ж.ж) - әскери қайраткер, армия генералы, Кеңес Одағының батыры, ҚР тұңғыш қораныс министрі, «Халық қаһарманы», Алматы, Астана, Донецк (Украина) қалаларының, Ақмола облысының, Ақкөл ауданының құрметті азаматы.

×
Бұл желілік ресурстың ақпараттық өнімдері 18 жастан асқан адамдарға арналған.