Шұғыл26 қазаннан бастап Қазақстанға ұшып келген жолаушылардың бәрінде ПТР анықтамасы болуы керек

«Бұл – бар болғаны кино»: АҚШ-тың Қазақстандағы елшісі «Борат» туралы пікір білдірді

АҚШ елшісі сұхбат берді

Коллаж: Нұрсұлтан Жорабаев

АҚШ-тың Қазақстандағы елшісі Уильям Мозер Kazakh TV телеарнасына берген сұхбатында жақында көрерменге жол тартатын «Борат» фильмінің жалғасы туралы пікір білдірді.

Елші фильмнің бірінші бөлімін толық көрмегенін, тек қана үзіндісін көргенін мойындады.

«Бұл – бар болғаны, кино. Көрермен киноға барады, көреді, сонымен бітті», - дейді Мозер «Борат» фильмінің екінші бөлімі жайлы.

Елшінің айтуынша, адамдар өзі бармаған, болмаған мемлекет туралы сол елдің бір азаматы арқылы жеке көзқарасын қалыптастырады. Ал АҚШ-та елі туралы жақсы пікір қалыптастыратын талантты Қазақстан азаматтары көп болған.

«Ол фильмді біреу көрер, біреу көрмес. Адамдар фильмді емес, сол елдің азаматы жайлы алған әсерін көбірек есінде сақтайды», - дейді дипломат.

Сондай-ақ АҚШ елшісі жарты сағатқа созылған сұхбатында пандемияның Қазақстан экономикасына әсері, АҚШ-тың Қазақстанға көрсеткен қолдауы, виза мәселесі, Қазақстандағы инвестициялық климат, екі ел арасындағы сауда-саттық, дипломатиялық қатынас жайлы айтқан.

Еске сала кетейік, «Борат-2» фильмінің премьерасы 23 қазанда Amazon Prime сервисінде болады.