Америкалық топ «Айттым салем, қаламқас» әнін орындады

Абайдың 175 жылдығына орай америкалық Humming House тобы «Айттым сәлем, қаламқас» әнінің әуенін орындады, деп хабарлайды Azattyq Rýhy тілшісі Қазақстандағы АҚШ елшілігінің Фейсбуктегі парақшасына сілтеме жасап.

«2018 жылы бұл топ American Music Abroad бағдарламасының арқасында Қазақстанға, Абайдың туған жері - Семей қаласына келген болатын. Бұл олардың қазақ әнін бірінші рет орындауы емес. 2018 жылы Humming House тобы «Наурыз» әнінің кавер нұсқасын әннің авторы Айдос Сағатпен бірге жазған еді», - делінген хабарламада.