«Ажырасқаннан кейін құлпырып кетіпті»: Мөлдір Мұқанованың қыздарымен билеген видеосы желіні жарды (ВИДЕО)

Белгілі әзілкеш Тұрсынбек Қабатовтың бұрынғы жұбайы, продюсер Мөлдір Мұқанова оқырмандарына балалармен бір толқында уақыт өткізудің қандай болатынын көрсетті, деп хабарлайды Azattyq Rýhy.

Ол отбасы стильді образдарымен және керемет хореографиясымен көзге түскен видеоны Instagram парақшасында жариялады.

Бруно Марстың әніне түсірілген отбасылық перформанс үшін анасы мен екі қызы әсерлі киімдерді таңдаған: көлемді жакеттер, денеге жабыса тігілген лосиндер, биік етіктер және күннен қорғайтын көзілдіріктер киген.

Видеодағы үйлесімді қозғалыстар мен қуатты энергия жазылушыларды бейжай қалдырмады. Желі қолданушылары жазба астына көптеген жылы пікір қалдырып, ажырасқаннан кейін Мөлдір Мұқанованың ерекше «құлпырып», бұрынғыдан да жарқын көріне бастағанын атап өтті.

«Мөлдір ажырасқаннан кейін шынымен құлпырып кетті. Бұрынғыдан да жарқын әрі сұлу бола түскен», «Энергиясы керемет, нағыз сұлулар, әсіресе анасы», «Супер!», «Міне, энергия! Қыздарымен бірге билегені қандай тамаша!» деп жазды желі қолданушылары.