Грузиялықтар түрмедегі жалғыз журналист әйелді қолдап шеруге шықты

Мыңдаған адам Тбилиси көшелеріне шығып, сотталған журналист Мзия Амаглобелидің бостандыққа шығуын талап етті, деп хабарлайды Azattyq Rýhy. euronews-ке сілтеме жасап. 

Кеше Мзия Амаглобели мен белорус-поль журналисі Анджей Почобутқа Еуропарламенттің адам құқықтары саласындағы Сахаров сыйлығы берілген еді. Осыдан кейін азаматтар журналистің еркіндікке шығуын талап етті.

Мзия Амаглобели 2025 жылдың қаңтарында билікке қарсы шеруге қатысқаны үшін қамалған. Тамызда полиция қызметкеріне шабуыл жасады деген айыппен екі жылға бас бостандығынан айырылды.

Грузия тәуелсіздік алғаннан бергі елдегі тұңғыш әйел-саяси тұтқын Мзия Амаглобели демократиялық шерулердің көшбасшысы әрі сөз бостандығын қорғаушы ретінде танымал болды.