Мьянма халқы 7 күн бойы аза тұтады: жер сілкінісі 1700 адамның өмірін жалмады

Мьянма премьер-министрі Мин Аун Хлайн алапат зілзаладан кейін бір апталық қаралы күн жариялады. Бұл туралы Azattyq Rýhy AFP-ге сілтеме жасап хабарлайды.

Аза тұту 31 наурыз бен 6 сәуір аралығында жалғасып, елдегі бүкіл мемлекеттік тулар төмен түседі.

28 наурызда Мьянмада күші 7,7 балдық жер сілкінісі болып өтті. Зілзаланың эпицентірі 1,5 млн жұрт қоныстанған Мандалай қаласы болды. Салдарынан 1700 адам көз жұмып, 3400 адам әртүрлі жарағат алған. Қазіргі күні 300 адам із-түзсіз жоғалып кеткен.

Жер сілкінісі жақын жатқан Тайланд, Бангладеш, Лаос және Қытай  мен Үндістанның кейбір бөліктерінде сезілген.

Мьянма билігі жер сілкінісінен кейін әлем елдерінен гуманитарлық көмек алып жатыр.