Амстердамда футбол жанкүйерлері арасында болған қақтығыстан 10 адам зардап шекті

Амстердамда израилдіктерге шабуыл жасалып, салдарынан 10 адам жарақат алды, деп хабарлайды Azattyq Rýhy агенттігі BILD-ке сілтеме жасап.

Израиль мен Голландия арасындағы матчтан кейін бір топ адам Тель-Авивтен келген жанкүйерлерді аңдып, артынан еріп жүрген. Содан кейін қақтығыс басталған. Салдарынан 10 адам ауруханаға түсіп, 3 адам ұшты-күйлі жоғалып кеткен. Полиция қазір төбелеске қатысқан 57 адамды ұстады.

Бостандық партиясының жетекшісі Герт Вилдерс Амстердам көшесінде болған қақтығысты «бүлік» деп атаған.

«Біз Еуропадағы кіші Газаға айналдық. Палестина туын ұстағандар израильдіктердің ізіне түскен. Мен мұндайды ешқашан қабылдай алмаймын», - деп жазды ол.