Қытайда магнитудасы 4,4 болатын жер сілкінісі болды

Сейсмологтар бүгін Қытай аумағында жер асты дүмпулерін тіркеді, деп хабарлайды Azattyq Rýhy Қазақстанның Ұлттық деректер орталығына сілтеме жасап.

Қазақстан Республикасы Ұлттық ядролық орталығы Геофизикалық зерттеулер институтының Қазақстандық деректер орталығының жедел мәліметіне сәйкес, жер сілкінісі 2026 жылғы 19 қыркүйекте Астана уақытымен сағат 20:54-те (Гринвич уақытымен 15:54) Қытай аумағында тіркелді.

Жер сілкінісінің эпицентрі 41,18 градус солтүстік ендікте, 82,95 градус шығыс бойлықта орналасқан.

Жер сілкінісінің магнитудасы – 4,4. Энергетикалық класы – 10,8. Жер сілкінісі 24 шақырым тереңдікте болған.