Қазақстанда салық төлеуден жалтарудың ірі схемалары анықталды

Қазақстанда салық төлеуден жалтарудың ірі схемалары анықталды. Бұл туралы ҚР Мемлекеттік кірістер комитеті мәлімдеді, деп хабарлайды Azattyq Rýhy. 

Талдау нәтижесінде 633 салық төлеуші анықталған. Олардың қатарында:

• 172 құрылыс компаниясы,
• 102 сауда ұйымы және басқа да кәсіпорындар бар.

Аталған ұйымдарға салық салынатын табысты төмендету белгілері туралы хабарлама жіберілді.

Салық төлеушілерді анықтау кезінде келесі факторлар ескерілді:

• • Төмен салық жүктемесі;
• • Жеткізушілерде жалдамалы қызметкерлер мен активтердің болмауы;
• • Арнайы салықтық режимдерді қолданатын жеткізушілерден қызметтерді сатып алу (егер есеп айырысу сомасы 150 млн теңгеден асса);
• Өзіне тиесілі қызметкерлерден жұмыс пен қызметтерді сатып алу.

Қазіргі таңда Мемлекеттік кірістер комитеті салық төлеушілердің заң талаптарын сақтауын қадағалауды күшейтіп, заңсыз схемаларды анықтау жұмыстарын жалғастырып жатыр.