Қазақстандықтар әртістік жүзуден Азия чемпионатында бірнеше медаль жеңіп алды

Қазақстан құрамасы әртістік жүзуден Азия чемпионатында үш медаль жеңіп алды, деп хабарлайды Azattyq Rýhy.

Су спорты түрлерінен Үндістанның Ахмедабад қаласында өтіп жатқан Азия чемпионаты аясында әртістік жүзу сайыстары жалғасып жатыр.

ҰОК мәліметінше, 5 қазан күні Қазақстан құрамасы үш медаль жеңіп алды.

Командалық сайыста (техникалық бағдарлама) отандастарымыз бірінші орынға ие болды.

Аралас жұптар арасында (техникалық бағдарлама) Эдуард Ким мен Карина Магрупова күмістен алқа тақты.

Ал жұптар арасында өткен сайыста (техникалық бағдарлама) Арина Пушкина мен Ясмин Тұяқова қола медальға қол жеткізді.