Жанкүйерлердің қуанышында шек жоқ
Шри-Ланканың Коломбо қаласында өтіп жатқан жастар мен жасөспірімдер арасындағы Азия чемпионатында Қазақстан құрамасы айқын басымдық танытты. Турнирдің жартылай финалдық кезеңі қорытындыланып, финалға шыққан боксшылар саны бойынша Қазақстан абсолютті рекорд орнатып, 47 спортшы шешуші айқасқа жолдама алды, деп жазады Azattyq Rýhy.
Қазақстаннан кейінгі екінші орында — Қырғызстан (13 финалист), ал үшінші орынды Үндістан (11 финалист) командасы тұр. Финалдық жекпе-жектер 22 және 23 мамырда өтеді.
Қазақстанның жасөспірімдер қыздар құрамасы (U-18) үшін бұл жарыс тарихта қалары сөзсіз. Олар чемпионаттағы 12 алтын медальдің бәрін жеңіп алып, тарихи жетістікке жетті. Оның ішінде бес боксшы жекпе-жектерін нокаутпен немесе техникалық басымдықпен мерзімінен бұрын аяқтады.
Азия чемпионатының алтын иегерлері (U-18):
Чемпионат U-18 және U-22 жас санаттары бойынша, ерлер мен әйелдер арасында бір мезгілде өтіп жатыр. Жарыс нәтижелері бойынша Қазақстан құрамасы финалистер саны және алдын ала жеңіп алған медальдар бойынша сенімді түрде көш бастап келеді.