Қазақстан хоккейшілері элиталық дивизионнан шығып қалды

Қазақстан құрамасы Данияда өтіп жатқан әлем чемпионатының соңғы матчында жеңіліс тапты, деп хабарлайды Azattyq Rýhy.

Швейцарияға есе жіберді

Ұлттық олимпиада комитетінің мәліметінше Қазақстан құрамасы Швейцарияға есе жіберді.

«Қазақстан 16-минутта есеп ашты. Гол авторы — Аркадий Шестаков. Екінші кезеңнің аяқталуына бес секунд қалғанда швейцариялықтар артық құрамда шайба соғып, үшінші кезеңде тағы бір голмен алға шықты», - деп жазылған хабарламада.

Ойын соңына қарай есеп 4:1 болып, қарсылас команда жеңіске жетті.

Швейцария – Қазақстан 4:1 (0:1, 1:0, 3:0)

• 0:1 – 15:17 – Шестаков (Бекетаев, Михайлис)
• 1:1 – 39:55 – Фиала (Мальгин, Кукан) артық құрамдағы гол
• 2:1 – 47:15 – Андригетто (Мальгин, Мозер) артық құрамдағы гол
• 3:1 – 57:06 – Амбюль (Нидеррайтер, Фиала)
• 4:1 – 57:44 – Риат (Кнак, Фора)

Қазақстан соңғы орынға түсті

Осылайша, Қазақстан құрамасы өз тобында соңғы орынға түсіп, элиталық дивизионмен қош айтысты.

Еске сала кетейік, бұған дейін ұлттық құрама Венгрия, Дания, Германия және АҚШ-тан жеңіліс тапты.

Турнирге қатысатын ойыншылар тізіміне 25 хоккейші енді.

• Қақпашылар: Желал-ад-Дин Әмірбеков («Магнитка», Магнитогорск, Бүкілресейлік хоккей лигасы), Сергей Кудрявцев («Арлан», Көкшетау), Максим Павленко («Рязань – ВДВ», Рязань, Бүкілресейлік хоккей лигасы)
• Қорғаушылар: Әділ Бекетаев, Самат Данияр, Тамерлан Гайтамиров, Артём Королёв (барлығы — «Барыс», Астана, ҚХЛ), Дмитрий Бреус («Торпедо», Нижний Новгород, ҚХЛ), Леонид Метальников («Адмирал», Владивосток, ҚХЛ), Эдуард Михайлов («Арлан», Көкшетау), Валерий Орехов («Металлург», Магнитогорск, ҚХЛ).
• Шабуылшылар: Әлихан Әсетов, Дінмұхамед Қайыржан, Батырлан Мұратов, Максим Мұхаметов, Алихан Өмірбеков, Кирилл Панюков, Кирилл Савицкий, Роман Старченко (барлығы — «Барыс», Астана, ҚХЛ), Владимир Волков («Арлан», Көкшетау), Вячеслав Колесников («Номад», Астана), Артём Лихотников («Хумо», Ташкент), Никита Михайлис («Металлург», Магнитогорск, ҚХЛ), Евгений Рымарев («Юнисон», Мәскеу, Бүкілресейлік хоккей лигасы), Аркадий Шестаков («Адмирал», Владивосток, ҚХЛ).