Иорданияда күрес түрлерінен әлем біріншілігі басталды

Оған 17 жасқа дейінгі спортшылар қатысып жатыр

Фото: Туризм және спорт министрлігі

Бүгін Иорданияның Амман қаласында күрес түрлерінен 17 жасқа дейінгі спортшылар арасындағы әлем біріншілігі басталды, деп хабарлайды Azattyq Rýhy.

55 келі салмақта Алпамыс Болатұлы ақтық сынға жолдама алды. Іріктеуде ол Жапония, Иран және Армения балуандарын ірі есеппен жеңді. Алпамыстың финалдағы қарсыласы - америкалық Джейден Скотт Рэйни.

80 келідегі Еркебұлан Анапия да әлем чемпионатының финалында белдеседі. Ол жартылай финалда әзербайжандық балуаннан басым түсті. Анапияның финалдағы қарсыласы - нейтралды ту астында өнер көрсететін Михаил Шкарин.

Сондай-ақ, 48 келідегі Едіге Төлеутаев қола медальға күреседі. Ол жартылай финалда ирандық балуанға жол берген.

Мақалада

#күрес #Иордания

Алдыңғы жаңалық

Пәтер, актокөлік және 5 млн теңге: Алматы әкімдігі Олимпиада жүлдегерлерін марапаттады