Қазақстан азаматтығын алған ресейлік спортшы еліміздің әнұранын жаттап жүр

Жаңа маусымнан бастап Қазақстанның атынан шыққан бұрынғы ресейлік мәнерлеп сырғанаушы Софья Самоделкина еліміздің  әнұранын үйреніп жүргенін айтты, деп хабарлайды  Azattyq Rýhy.

Спортшы бұл жайында РИА Новостиге берген сұхбатында айтқан. 

Төрт секіру және үш еселенген Аксель иегері 17 жасар Самоделкина мамыр айында Ресейдің мәнерлеп сырғанау федерациясынан шығып, Қазақстанға ауысқан. 

«Қазақстанның әнұранын жаттай бастадым.  Дұрыс айта алам ба білмеймін, бірақ тырысамын»- деді Самоделкина.

Айта кетейік, бұған дейін София 15-18 шілде аралығында Қарағандыда өтетін ел чемпионатында алғаш рет қазақстандық мәнерлеп сырғанаушы мәртебесінде өнер көрсетеді.