Кәсіби боксшы Балауса Муздиман қарсыласын 43 секундта нокаутқа жіберді

Балауса кәсіби бокстағы төртінші жеңісіне қол жеткізді

Фото: Балауса Муздиманның Вконтакте парақшасынан

Қазақстандық кәсіби боксшы Балауса Муздиман Алматыда өткен бокс кешінде қарсыласын 43 секундта нокаутқа жіберді, деп хабарлайды Azattyq Rýhy.

Отандасымыз Үндістаннан келген Моника Сингхпен жұдырықтасты. Жекпе-жек бастапқыда 8 раундқа есептелген. Бірақ бәсеке алғашқы раундта-ақ аяқталды. Балауса Муздиман жекпе-жектің 43-секундында қарсыласының бауырына соққы жасайды. Сингх осыдан кейін кездесуді ары қарай жалғастыра алған жоқ.

Балауса осылайша кәсіби бокстағы төртінші жеңісіне қол жеткізді. Оның үшеуін нокаутпен жеңді. Ал Сингх бүгінгі дейін 5 жекпе-жек өткізіп, оның екіншісінде жеңіліп қалды.

Мақалада

#бокс #Үндістан #кәсіпқой бокс #жекпе-жек

Алдыңғы жаңалық

Жәнібек Әлімханұлының шаршы алаңға қашан шығатыны анықталды