Бүгін футболдан Қазақстан чемпионаты басталады

Бүгін футболдан Қазақстан чемпионаты басталады, деп хабарлайды Azattyq Ruhy.

Премьер-лиганың биылғы маусымына 13 өңірден 14 клуб қатысады. Олар – «Ақсу», «Ақтөбе», «Астана», «Атырау», «Елімай», «Жеңіс», «Жетісу», «Қайрат», «Қайсар», «Қызылжар», «Ордабасы», «Тобыл», «Тұран» және «Шахтер».

Доп додасының шымылдығын бүгін, 1 наурыз күні сағат 14:30-да елордалық «Астана» мен «Жеңіс» командалары ашады.

Сонымен бірге бірінші турда ел чемпионы «Ордабасы» өз алаңында Қарағандының «Шахтер» клубымен кездеседі.

Қазақстан чемпионаты 1 наурыз бен 10 қараша аралығында өтеді. Мачтардың көбі дәстүрлі түрде демалыс күндеріне жоспарланған.