Азия ойындары: Қазақстан қоржынына үшінші медаль түсті

Қытайлық Ханчжоудағы Азия ойындарында Қазақстан қоржынына қола медаль түсті, деп хабарлайды Azattyq Ruhy агенттігі Prosports.kz-ке сілтеме жасап.

Никита Чирюкин оқ атудан 25 метрге жылдам атылатын тапаншамен сайыс финалында қола жүлдеге қол жеткізді. Ал алтын медальді қытайлық Ли Юхонг еншіледі.

Бұл Азиадада ел қоржынына түскен үшінші медаль болып тұр. Кеше дзюдошыларымыз Әбиба Абужақынова күміс, Мағжан Шәмшәдин қола жүлде еншілеген. 

Тақырыпқа орай: «10 мың доллар»: Азия ойындарында жүлде алған чемпиондарға қанша сыйақы берілетіні айтылды

Еске салайық, Азия ойындары-2022 23 қыркүйек пен 8 қазан арасында Ханчжоуда өтіп жатыр. Тоғыз спортта Париж Олимпиадасының жолдамасы сарапқа салынады.