Әсем Орынбай мен Эдуард Ещенко Әлем Кубогінің күміс жүлдегері атанды

Әсем Орынбай мен Эдуард Ещенко стенд атудан Алматыдағы Әлем Кубогы кезеңінің күміс жүлдегері атанды. Бұл туралы Мәдениет және спорт министрлігі Спортты дамыту дирекциясының баспасөз қызметі хабарлады, деп хабарлайды Azattyq Ruhy.

«Скит бағдарламасында аралас жұптық сында біздің спортшылар Италия-2 құрамасына жол берді. Атап айтар болсақ, мұнда Таммаро Кассандро мен Кьяра Кайнеро (Олимпиада чемпионы және күміс жүлдегері) сынға түсті. Ал қола медаль Италия-1 құрамасына бұйырды», - делінген хабарламада.

Естеріңізге сала кетейік, Әсем Орынбай мен Эдуард Ещенко жұбы былтыр Хорватияда өткен әлем чемпионатында аралас жұптық сында қола медаль жеңіп алған.