Елена Рыбакина Аустралия ашық чемпионатында тарихи жеңіске қол жеткізді

Қазақстанның бірінші, әлемнің 25-ракеткасы Елена Рыбакина Аустралия ашық чемпионатының үшінші айналымында әлемнің 11-ракеткасы, америкалық Даниэль Коллинзды 6:2, 5:7, 6:2 есебімен жеңді, деп хабарлайды Azattyq ruhy.

Биыл қос теннисші Аделаидада кездесіп, онда Қазақстан теннисшісі 5:7, 6:2, 6:3 есебімен жеңіске жеткен еді.

Осылайша, Елена өз спорттық жолында алғаш рет Аустралия ашық чемпионатының төртінші айналымына өтті. Бұған дейін ол үшінші айналымнан аса алмаған еді.

Рыбакина «Үлкен дулыға» турнирінің ширек финалына шығу үшін әлемнің 1-ракеткасы, Польша өкілі Ига Швентек немесе рейтингте 100-орында тұрған испаниялық Кристина Бучаның біреуімен кездеседі.